hellou, us aktuellem ahlass brechtet de suedoschtasie-korespondaent flo meier diraekt vom ort des geschehens
de steffen esch mech also tatsaechlech am floghafe z kl go abhole ond denn semmer z erscht mol zrogg is hotel (oepe 2 h gha vom floghafe). am noechste tag semmer de chli go kl uschecke ond hend am obe spot en 7 h nachtbus gno uf kota bahru. det hemmer am morge am 7ni d faehri gno uf d insle pulau perhenthian. det semmer denn 11 taeg blebe. en wonderschoeni ensle met emene traumhafte beach aber laeider ned so vell party. mer hend det foer 3 fr. pro person imenen luxus bungalow (see the pictures) met enere geniale ussecht uf e strand ghuused ond eifach s laebe chli gnosse. noch em sonnebrand send denn bi mier die normale reisechrankheite chli ufcho (sprich darm ond mage). de steff esch es paarmol go dive was ne glaub onglaublech fasziniert hed. ech weiss etz scho so vell oebers tauche, als haettis saelber scho maengisch gmacht.
uf dere ensle hemmer es paar cooli lueuet kenneglernt ond hends eifach nor guet gha. am donnschtig mettag semmer de weder uf reise gange. zerscht met em boot ond denn met em taxi ad grenze zo thailand. det semmer denn z fuess oebere glofe. ade thai pass station hends mer denn gseit ech muess nomol uf malaysia zrogg, well die mer de falsch staempfel gaeh hend....ja, ja, die haetted sech jo au choenne daenke, dass ech ned 24 stond uf dere verbendigs brogg verbrocht hend. be de jedefalls nomol zrogg bevor mer denn am bahnhof en zog gno hend(3.klass). de hammer noch oepe 3 stond nomol moesse umstiege ond hend en wiitere zog gno uf sura thani vo wo us mier morn d faehri uf ko samui waerded naeh. esch cheibe astraengend gsi im zog. 3.klass esch woerkli 3.klass ond mer hend scho gmeint mer choemed noeme a. das idere region buergerchrieg herscht hemmer oebrigens nor am rand metoebercho. hed halt oeberall chli militaer ond fetti guns gha, aber sosch esch alles fredelch gsi.
det het de steff sech denn met emene thai typ onderhalte, bis dae so blau gsi esch, dass er chum no hed choenne rede( de thai, ned de steff), ond saelbscht d kondikteure hend die ganz ziit vo dem huere thai schnaps gsoffe. jedefalls semmer denn do guet acho ond hend hoet en tag ziit zom es paar sache z erledige. de steff esch etz gad bim coeffeur gsi ond hed etz en frisur wie en thai ond etz goemmer de chli go shoppe ond de muess ech au no luege, dass ech min bart no waegbrenge.
also, do esch alles beschtens ond mer hoffed, dass au in lozaern alles weder z fuess begehbar esch ond noem met em scheffli.
en liebe gruess i allne ond bis bald us em heisse thailand.
natuerli au en gruess vom herr erich ond aer lohd lo usrechte, dass denn d foeteli demnaechst werded folge. det choender denn au eusi raeis beldlech nochevollzieh.
cu soon.
