so do waeri weder emole. ben back in medan, wo alles began. was esch passiert i de zwoescheziit? well, e ben aebe of die ensle use. bevor i gange ben, hani denn grad no en flog buechet im internet vo medan of kuala lumpur, wo glaub grad en riise rauchwolke hanget. e ben denn aso 11h metemen scheff (oder besser gseid emene kutter) oebers meer of die ensle usegfahre. dete hend sie leider velvel zfel gaeld welle, foer en 6h schefffahrt is lanmdesennere wo die schteiziit luet laebed. noch desem typ bruechti das 150 leter sprit (...). well, soevell gaeld wie daehed welle hani gar ned debi gha. ben denn aso zfuess los ond han denn esones doerfli gfonde, wo noemme ganz roots esch, aber emmer no es schoens foto-motiv gaeh haet, haet i denn en kamera debi gha. benn den am gliche tag aber denn ahlkt weder retour oeberseee, well i soescht haet moesse 5 taeg warte bes weder en faehri gfahre waer.
han denn naebscht ere schoene scheffahrt gha mer au no en deftige sonnebrand ufglauese, well id sonnecreme of em feschtland vergaesse gha han. han denn daenkt dasi dae sonnebrand am beschte i de baerge go go uskuriere ond han daenkt wenn scho id baerge, denn grad of e hoechscht baerg vo sumatra, de gunung kirinci, 3807meter, esch geil gsi, zoberscht obe en riise chessel (oeppe 2-300m dorchmaesser, wos deftig usegrumoret ond gschonke hed)
denn hani de aequator weder oeberquert ond ben im gunung leuser nationalpark ahcho, wos mi of en 2tagestrekk im dschungel zoge hed, ond zwor ine region wo die beruemtberoechtigte (ned oni grond) orang utans heimisch send. send denn so dore wald gschtrielet ond hend die affe gsuecht ond denn au gfonde. loschtigi viecher die orang utans. orang esch oeberigens indonesischond heisst oebersetzt mensch. send denn wiiterglaufe ond denn hed ues plotli esones vich verfolgt. de guide hed gmeint das sige esone aggressive ond da aff hed ues denn werkl gjagt. esch huere schteil gsi ond e han ned moege sekkle det dorab, dom hed mi denn dae afff ihgholt ond pakt (ke scheiss) han denn met ehm omegronge, rechtig gfightet ond aer hed mi sogar versuecht zbiise. kampf orang gaege orang utan sozaege. han ehn denn versecht im asiatische stil gaege abe z ruere , aber das sauviech hed mi metgresse ond mer send s tobu drab trollet. oeppe 5m wiiteronde hami choenne loese vonem ond ben abgsecklet. de guide hed em denn e paar abanane aenegruert, was ues denn e vorsprong gaeh hed. sauvich das. mer hend en denn noemme gseh zom gloeck. e han en paar prellige, chratzer ond oeppis dervo dreit, was chli wie en bess usgsed. goh denn in kl mol zomene dokter ond hole sin root ih.
jo of jede fall hemmer denn amene hammerort so amene floss gschlofe ond send hoet morge denn met so zaemebondene pneu de floss drab. esch fun gsi. jo, ond etz beni do weder in medan wie gseid, han grad s escht mol rechtig met schtaebli gaesse amene chinaschtand ond luege etz mol, was de obe no brengt.
oebermorn set den de flo in kl ahcho. wenn er aso ergendwelchi genesigs-presaentli oder persoenlichi msgs a en forchtlose orang wend saende, choender die im flo metgaeh :-)
gruess is hochwasserige lozaern!
