hellou
bi mer esch alles im lot. ossert dass mer geschter d kamera gloepft hed, nochdem i si ah ipod vo somene ami ahgschlosse han. ez heissts nomeno system error ond nix gohd. vo dem vulkan-see woni ez grad chome wie vo dere schteiziitensle woni morn goh geds aso keh fotos :-( goh mer denn in singapoore obe die noeischti hardware goh inezie. strandfotos setid aso e aar heicho.
mann esch sumatra bellig. e verzell mol chli. chomi ah ond nehme es hotel foer 1.50CHF denn goni goh aesse(so of de schtross), nasi goreng met mene coke, 20rappe. denn nemi en bus, wo krassi 22h bes bukitinggi gohd. koschteponkt 8franke. denn en 2h bus zo dem see, 40rappe. dete es wonderfolls bungalow diraekt am see, 3franke. denn fahri met emene toeff rechtig bukitinggi, 1.20. flaesche wasser 20rappe. flaesche bier, krassi 1.50 (grossi flaesche)... ond so wiiter.
wasi so mache? ned vel, chli met emene ami ond mene aenglaender in medan ghaenget, denn semmer ah dae see. si send denn geschter gange ond e han no en tag tschillet. denn beni hoet in voller montur (17kg-rocksak) oeppe 3.5h dore tschungel of de rand vo dem krater (wo dae see denne esch) glaufe, steil baerguf, ahstraengend gsi, ond die fucking woerm, wo mer die ganz ziit bluet us de zeche usegsoge hend hend au ned grad zom well-beeing bitreit. noegscht mol leggi d schue ah, wenni dor dae nas cheibe urwald hike) aber hed trotzdem schpass gmacht. han au no so roti affe gseh omegommpe (vor mer floechte), 20cm tuusigfuessler, soeschtigi gruusigi ond schoeni chaefer, riise-ameisi. vorallem s obe ahcho esch notuerli de beschti momaent gsi. de wisch dass de baerg bezwonge hesch. det ofem schpetz esch denn so en alte maa gsi. e han denn dae mol gfrogt, oeb aer chan massiere (btw: alti manne send oft chef-masseure). foer 1 schtotz hed aer mer denn mine bei en 1a massage verabreicht. genau das was mini ontrainierte bei nochsomene herte ufsteg brucht hend.
morn goni glaub of siberut. da esch sone ensle 10h waeg vo sumatra, wo vor 500000 johr vo sumatra trennt worde esch. die luet wo det droffe laebid, hend sech sethaer denn au ned vel veraenderet, wie au d fauna/flora. intersting. e goh mol goh luege ond brechte denn meh, wenni meh droeber weiss.
gruess ah alli deheime!!
