KUTA _ Blai, 14 September
so, muess i mi doch weder emol maelde. han mini page do chli vernochlaessiget i de letschte ziit, aber benn eifach nie rechtig dezuecho well grad badewaetterverosse gsi esch ond en strand naebedra oder (obwohl de erschti grond eigentli emmer zetroffe esch) dass s internet eso kake langsam oder teuer gsi esch, dassis gloh han. anyway. nochem gaeschtebuech z schliesse hani eh ned eso vel traffic of de page :-)
zodem hammer geschter grad en kak sonnebrand gholt, welli am mettag am strand ihpennt ben. hoet geds aso ke sonne voer mech.
also, zo mim reisli. weiss gar ned woni ufghoert han letscht mol. esch glaub in yogyakarta gsi. a mol doch genau, bim letschte ihtrag esch de nationalfiirtig gsi, 17 auguscht, also dann passierte ffolgendes:
am naechschte tag beni met 2 franzose, woni bim znachtaesse koenneglert han zom brobodur-taempel. das esch eine vo de groeschte budistische taemple oeberhaupt. esch es imposants bauwaerch, wo of 3 etage im buddah sis ganze laebe gschelderet werd. of de hoechts stufe, wos nirvana darstellt, stoend denn ganz vel stupas met buddahs denne. am schoenschte waer de taempel bi sonneufgang, esch mer gseid worde, aber wie er of de belder gsaend, hani ned moege ufstoh am 5i...
sautuer gsi de ihtrett det oeberigens. 10 dollar.
am tag druf hani denne foer 18 dollar en 10 stoendigi bussfahrt zom bromo-vulkan buechet, incl. deluxehotel ond am noechschte tag weder 10h busfahrt noch bali, lovina beach. de bomo esch de hammer gsi. e han mech den sogar ufgrapplet, am morge am 4i ufzstoh ond of dae baerg ufezlaufe zom det obe met oeppe hondert andere touris,wo met em jeep ufezfahre cho send de sonneufgang zluege. esch geil gsi.
denn beni vo dem ussechtsponkt zom einte krater obenabeglaufe, was en wonderschoeni 3h-wanderig gsi esch in begleitig vo zwe oeschterichische chics. ahcho am krater, send alli jeep-touris denn au scho weder verschwonde gsi ond mer hend de krater ganz elei choenne erkonde:
denn wie gseid esch d reis wiitergange of met em bus, wo oeber nacht gfahre esch ond diraekt ofd ferry verlade worde esch, sodass i am morge denne in lovina of de goetterensle bali ahcho ben.
meh im noechste brecht
