Dubai, Sat 8 August
jojo die arabs ond das dubai... werkli en wetzigi stadt. 1950 esch dubai no es chlises kaff met es paar lehmhueser gsi. denn, i de 70er johr hend sech die vereinigte emirate zaemedoh ond ab de esch ufwaerts gange. de motor foer die ganz entwecklig esch zom eine s oel, wos au oeppe denne entdeckt hend, zom andere die weisi regentschaft vom his highness sheik al zayed, em presidaent, wo geschter oebrgens gebortstag gha hed.
2004 esch dubai en saumoderni stadt. alles neu. wo vor 18 johr no wueschti gsi esch (hed mer mol de taxifahrer verzellt, esch ez skyline, wo sech hender new york ned muess verstecke. osserdem bauets bald s hoechscht gebaeude vo de waelt (grad nomol e raechte bez hoecher as de freedom tower), si send s groeschte shoppigcenter vo de waelt am baue (met indoor-skipischte), as haets noni gnueg shopping-centers i dre stadt... e han en ami troffe wo gseid hed das sigi jo verockt ond do choenid die ami malls grad ihpacke, vorallem wells aebe oeppe 30 hed i dere chline stadt
jojojo, ond so wiiter, die bede palm islands mues i jo ned erwaehne ond das THE WORLD-Projekt wos grad gstarted hend koennt secher au scho jede... alles in allem quite impressing, das dubai. respect to HH al zayed.
dodezue im gaegesatz heds i de ennestadt emmer no chlini aenggi gaessli met laedeli, sache wie de gold, elektronik oder de gwoerzmaert machid emmer no en zemmli arabische ihdrock. of em floss dor dubai fahrid foer 10 rappe no so chlini boetliond au soescht heds no vel so relikt ome us de prae-oil-zit.
ond au d straend send sehr schoen do. e muess zwor foer dubai en eigiti kategorie i minere strad kartei mache, naemmli die vo de #compleatly man-made-beaches#. ond i dere kategorie stiigt duabi grad of platz 1 ih. mega schoeni straend met geile grosse parks rengsome foer 1CHF ihtrett. scho lang noemm so en schoene park gseh. ond man bedenke, dass in dubai jo werkli usschliesslech wueschti waeri (ond oeppe no en dattelpalme), wenn si ned woerdid bewaessere wie toble.
morn morge gohds ab of jakarta. freu mi scho ofs on-board-entertainment-system vo de emirates :-) gruess a alli dehei
