Bali - Kuta, Tue 14 September Part 2
lovina esch ned eso guet gsi. osser de sonneondergang:
esch zwor schoen gsi vo ahfang ah das bali, well oeberal eso steiskulpture, goeterfigure ond Tore omestoend, aber LOVINA as dorf hed mi ned eso oeberzuegt. well massiv weniger touris of bali send as i de vergangeheit, send d luuet dete chli am liide. so ala `chauf mer doch bitte oeppis ab, scheissegal was, du hesch jo eh gnue gaeld ond e han honger...` das esch chli tragisch ond zom ferie mache au ned eso ahgnaehm ond e be denn zoegig wiiter, well das ned de normalfall esch of bali. han denn welle go es wrack beschnorchle in TULAMBEN ond han denn aber ghoert, dass es met ere flaesche hendedroff in 3D vel besser sell si. das hed mi denn dezue verleitet, diraekt of d nochberensle LOMBOK oebere z staeche ond denne vo det us of GILI TRAWANGEN, en schoeni ensle im nordweschte vo Lombok:
det hani denn en tauchkors gmacht (PADI OPEN WATER), was zemmli ihdroeklech esch. zemmli tuer zwor (ca. 400.-), aber hed sech jede franke glohnt
woerd gaern onderwasserfotis praessentiere, aber mangels equipment hani d belder vo dere krass schoene ond faszinierende onderwasserwaelt nome i mim chopf gschpeicheret, wo si no lang beschtoh waerdid.
noch usfuerlech omehaenge beni denn ane vollmondpartz of en nochberensle namens GILI AIR ond dnn noch 2 taeg retour of bali. han denn eigentli welle of thailand ufestaeche, was aber met mim flogticket ned moegli gsi esch. e han denn en toeff gmietet ond be en woche lang of bali omeboerret ond ben oeppe 10 taemple goh ahluege. eis highlight esch denn das wrack in TULAMBEN gsi. wenn oepper mol of bali gohd, chani das aso nome empfaehle. schoen of de 11. september beni denn zrog of KUTA, wos vor 2 johr bombed hed. de usgang esch denn entspraechend lash gsi, well au vel aussis echli schess hend, nochdem jo letscht samschtig ehri botschaft in Jakarta bombet worde esch.
e be denne foer 2 taeg jetzt no ane schoene strand im suede vo kuta ond be ez weder bak. morn goni of en cruise of Flores, woni au bi de komodo-ensle verbichome. e maeld mi aso denn ergendwenn mol weder zuwort.
cu
