10 Juli 2004
so, hed chli arbet brucht, aber ez schtohd die nöi page ond es chan losgoh.
am 4te auguscht gohds ab tsüri met de EMIRATES los. E hoffe schwär die Emirates esch besser as die Kake-TAP... aber nochdem wasi ghört han, esch d EMIRATES en anderi liga. of jede fall gohds denn noch dubai, woni 5 täg si werde. das esch grad praktisch, well denn chani grad no go luege, wies om mis nöie eifamiliehüüsli of de palm-island osse stohd (siehe blauer Pfeil).
of jede fall fröits mi of dubai ond mine erscht kontakt met de arabische wält, woni secher in zuekonft (wenn de kerry denn troppe abzoge hed) au mol chli länger as 4 täg goh go luege.
aso, för 5 täg ab zo de arabs. dete esch real sommer, ond luut wäterbrecht öppe so ca. 45grad. genau öppis för mech. jiipee!
